နိုင်ငံခြားအလုပ်အကိုင် အင်တာဗျူးမဖြေခင် ကြိုတင်ပြင်ဆင်ရမယ့်အချက်များ
နိုင်ငံခြားအလုပ်အကိုင်တစ်ခုအတွက် အင်တာဗျူးဖြေဆိုတော့မယ်ဆိုရင် အောက်ပါအချက် (၅) ချက်ကို ကြိုတင်ပြင်ဆင်ထားသင့်ပါတယ်။
🎯အင်တာနက်ကောင်းပြီး နားကြပ်ကောင်းကောင်းရှိပါစေ။
အင်တာဗျူးကို အွန်လိုင်းကနေ ဖြေဆိုရမှာဖြစ်တဲ့အတွက် အင်တာနက်လိုင်းကောင်းဖို့က အရေးကြီးဆုံးပါပဲ။ ဗီဒီယိုခေါ်ဆိုမှုအတွင်းမှာ လိုင်းမကျသွားစေဖို့နဲ့ အင်တာဗျူးသူနဲ့ ကောင်းကောင်းဆက်သွယ်နိုင်ဖို့အတွက် နားကြပ်ကောင်းကောင်းလည်း သုံးပေးသင့်ပါတယ်။ ဒါမှ အသံတွေ ရှင်းရှင်းလင်းလင်း ကြားရပြီး ကိုယ်ပြောတာကိုလည်း သူတို့က ရှင်းရှင်းလင်းလင်းကြားရမှာပါ။
🎯 အင်တာဗျူးမစခင် ၁၅ မိနစ်စောပြီး အဆင်သင့်ပြင်ပါ။
ချိန်းထားတဲ့အချိန်ထက် အနည်းဆုံး ၁၅ မိနစ်စောပြီး အားလုံးအဆင်သင့်ဖြစ်နေအောင် ပြင်ဆင်ထားပါ။ ကွန်ပျူတာဖွင့်တာ၊ အင်တာနက်ချိတ်ဆက်တာ၊ အသံနဲ့ ဗီဒီယိုစနစ်တွေ အလုပ်လုပ်ရဲ့လား စစ်ဆေးတာတွေကို ကြိုလုပ်ထားပါ။ ဒါမှ အချိန်နောက်ကျတာမျိုး၊ နည်းပညာပိုင်းဆိုင်ရာ ပြဿနာတွေကြောင့် စိတ်ဖိစီးမှုတွေ မဖြစ်ရဘဲ စိတ်အေးလက်အေး ဖြေဆိုနိုင်မှာပါ။
🎯သပ်ရပ်စွာ ဝတ်စားဆင်ယင်ပါ။
အင်တာဗျူးကို အိမ်ကနေပဲ ဖြေဆိုတာဖြစ်ပေမဲ့ သင့်လျော်တဲ့ အဝတ်အစား ဝတ်ဆင်ဖို့ အရေးကြီးပါတယ်။ အင်တာဗျူးဖြေဆိုမယ့် ရာထူးနဲ့ ကုမ္ပဏီရဲ့ ယဉ်ကျေးမှုကို လိုက်ပြီး ဝတ်စားဆင်ယင်ပါ။ ပရော်ဖက်ရှင်နယ်ဆန်ပြီး သပ်ရပ်တဲ့ အသွင်အပြင်က အင်တာဗျူးသူအပေါ် ကောင်းမွန်တဲ့ ပထမဆုံးအထင်အမြင်ကို ပေးနိုင်ပါတယ်။
🎯 ပွင့်ပွင့်လင်းလင်းပြောဆိုပါ။
မေးခွန်းတွေကို ဖြေဆိုတဲ့အခါ ရိုးသားပွင့်လင်းစွာ ဖြေဆိုပါ။ ကိုယ့်ရဲ့အတွေ့အကြုံ၊ ကျွမ်းကျင်မှုနဲ့ စွမ်းရည်တွေကို ယုံကြည်မှုရှိရှိနဲ့ ရှင်းပြပါ။ မသိတဲ့အရာတွေကို ဟန်ဆောင်တာမျိုးမလုပ်ဘဲ မသိကြောင်းကို ရိုးရိုးသားသား ဝန်ခံတာက ပိုပြီးကောင်းမွန်တဲ့ အထင်အမြင်ကို ပေးနိုင်ပါတယ်။
🎯မေးခွန်းနဲ့မသက်ဆိုင်တာတွေ မပြောမိပါစေနဲ့။
အင်တာဗျူးမေးခွန်းတွေကို ဖြေဆိုတဲ့အခါ တိုတိုနဲ့လိုရင်း ဖြေပါ။ မေးခွန်းနဲ့ တိုက်ရိုက်မသက်ဆိုင်တဲ့ ကိုယ်ရေးကိုယ်တာကိစ္စတွေ၊ ဘေးကိစ္စတွေ ရှည်ရှည်ဝေးဝေးမပြောပါနဲ့။ အချိန်ကို အကျိုးရှိရှိအသုံးချပြီး လိုအပ်တဲ့အချက်အလက်တွေကိုပဲ အဓိကထား ဖြေဆိုပါ။ ဒါမှ ကိုယ့်ရဲ့ စကားပြောစွမ်းရည်နဲ့ အာရုံစူးစိုက်နိုင်မှုတွေကို ပြသရာရောက်မှာပါ။
ဒီအချက်တွေကို လိုက်နာပြင်ဆင်ထားမယ်ဆိုရင် နိုင်ငံခြားအလုပ်အကိုင် အင်တာဗျူးကို အကောင်းဆုံးဖြေဆိုနိုင်မှာ ဖြစ်ပါတယ်။
အသေးစိတ်စုံစမ်းလိုပါကအောက်ပါဖုန်းနံပါတ်များကို ရုံးချိန်အတွင်းဆက်သွယ်မေးမြန်းနိုင်ပါတယ်။
☎️09 964 556 810
